Авăн  уйăхĕн 10-мĕшĕнче Шупашкарта Чăваш Республикинче пурăнакан  халăхсен Съезчĕ иртет.

            Кашни халăхăн хăйĕн йăли-йĕрки, юрри-кĕвви пур. Вĕсем пурте хăйсен чĕлхипе калаçаççĕ,  хăйсен  йăли-йĕркине тытса пыраççĕ, Вĕсем  пĕр туслă çемьери пек пурăнаççĕ.

«Халăхсен туслăхĕ» эрнелĕхе халаласа Алманчăри пĕтĕмĕшле пĕлÿ паракан теп шкулта та тĕрлĕ ĕçсем пулса иртеççĕ. 5-6-мĕш класра веренекенсем  чăваш тата тутар апат-çимĕçĕпе паллаштарчĕç. 7-мĕш классра веренекенсем «Эпир туслă çемьере пурăнатпăр» калаçу ирттерчĕç. Кунта вĕсем чăваш тата тутар тумĕсене тăхăнса весемпе паллаштарчĕç. Çакăнтах чăвашла, тутарла сăвă-юрă янрарĕ. Чăваш халăхĕ ытти  халăхсемпе яланах  туслă пурăннă пирки  калаçрĕç.

Çакăн  пек ĕçсем туса ирттерни вĕренекенсене пĕр-пĕрне хисеплеме, пулăшма вĕрентет, халăхсен  хушшинчи  туслăха тата та çирĕплетме  пулăшать.

            Автор: Генералова Г. П.