Тăван чĕлхепе илемлĕ те тĕрĕс калаçма тăрашаççĕ пирĕн шкул ачисем. Çакна тума вĕсене шкулта чăваш чĕлхи урокĕсем çеç мар, класс тулашĕнче иртекен тĕрлĕ мероприятисем те пулăшаççĕ. Акă ака уйăхĕн 25-мĕшĕнче  9-мĕш классем хушшинче  çĕнĕ çырулăх туса хунăранпа 147 çул çитнине халалласа çавра сĕтел пулса иртрĕ. Кунта ачасем чăваш халăхĕ  1871 çултанпа çĕнĕ çырулăхпа усă курма пуçлани çинчен, чăваш çырулăхĕн кун-çулĕ, аталанăвĕ  пирки калаçрĕç. 147 çул каялла пирĕн вĕрентекенĕмĕр Иван Яковлевич Яковлев  çĕнĕ çырулăх тата литература чĕлхине йĕркелени мĕнпур чăваш халăхĕшĕн, чăваш çĕр-шывĕшĕн тĕлĕнмелле пысăк пĕлтерĕшлĕ  пулăм пулнине  çутатса пачĕç ачасем.  Çаплах вĕсем  «Чăваш çырулăхĕн историйĕ» презентаципе паллашрĕç, пĕр-пĕрне тĕрлĕ ыйтусем парса хуравларĕç.

     Автор: Генералова Г.П.